Giteau op losskakel teen Sharks
2011-05-05 13:10
In-diepte Verslae
Die Brumbies-losskakel, Zack Holmes, se onsuksesvolle strafdoel in die laaste minuut het die Reds met 'n enkele punt in Canberra laat wen.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Johannesburg - 'n Desperate Brumbies-span het hul agterlyn vanjaar vir die soveelste keer geskuif vir Saterdag se Super Rugby-kragmeting teen die Sharks in Durban.
Die breier Tony Rea soek Matt Giteau se hande weer "terug op die stuurwiel" en het hom dus terug geskuif na losskakel.
Slegs drie van die agterspelers (Patrick Phibbs, Adam Ashley-Cooper en Pat McCabe), wat in die span was wat teen die Cheetahs vasgeval het, behou dieselfde nommers op hul truie vir die kragmeting op Kingspark.
Christian Lealiifano sal vanaf losskakel na binnesenter skuif om 'n ondersteunende rol aan Giteau te bied.
Tyrone Smith, die broer van die oud-Wallaby George Smith, sal 'n speelkans op buitesenter kry nadat hy sover in die seisoen op die plaasvervangersbank gekies is.
Giteau het vanjaar reeds in die losskakel, binnesenter en heelagter-posisies as kaptein vir die Brumbies uitgedraf.
Die Australiërs het die wind sterk van voor gekry teen die Cheetahs se voorspelers en sal dieselfde uitdaging teen die Sharks in die gesig staar.
Afskoptyd Saterdag is 19:10.
So lyk die span:
Brumbies: 15 Pat McCabe, 14 Andrew Smith, 13 Tyrone Smith, 12 Christian Lealiifano, 11 Adam Ashley-Cooper, 10 Matt Giteau (kaptein), 9 Pat Phibbs, 8 Ita Vaea, 7 Colby Faingaa, 6 Mitch Chapman, 5 Mark Chisholm, 4 Peter Kimlin, 3 Jono Owen, 2 Stephen Moore, 1 Ben Alexander
Plaasvervangers: 16 Huia Edmonds, 17 Salesi Ma'afu, 18 Ben Hand, 19 Michael Hooper, 20 Josh Valentine, 21 Robbie Coleman, 22 Franky Fainifo
Vir die jongste sportnuus volg Nuus24Sport op Twitter.
- Sport24