Geskorste Mumm terug vir Waratahs
2010-03-03 12:48
In-diepte Verslae
Die beseerde losvoorspelers CJ Stander en Dewald Potgieter kan straks gekies word vir die Bulls se Super-stryd teen die Chiefs in Hamilton.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Johannesburg – Die losvoorspeler Dean Mumm, wat vir twee wedstryde geskors was, maak sy terugkeer Saterdag vir die Waratahs in Sydney in hul kragmeting teen die Sharks.
Die breier van die Waratahs, Chris Hickey, het besluit om Berrick Barnes in die senter posisie te behou, met Daniel Halangahu op losskakel.
Ten spyte van twee agtereenvolgende nederlae was Hickey traag om te veel aan die Waratahs se agterlyn te verander.
“Ons het waardevolle lesse geleer in die nederlaag teen die Bulls en moes aan 'n paar fasette werk alhoewel ons nie werklik die toewyding van enige van die spelers kon bevraagteken nie,” het Hickey gesê.
“Ons is vol vertroue dat ons ‘n goeie vertoning Saterdag in ons eerste tuiswedstryd sal lewer en hopelik sal ons ‘n groot skare hê wat ons in Sydney terug gaan verwelkom," het hy bygevoeg.
- Sport24