Eng sê ja vir Super Rugby op Twickenham
2011-03-15 11:48
In-diepte Verslae
Die Brumbies-losskakel, Zack Holmes, se onsuksesvolle strafdoel in die laaste minuut het die Reds met 'n enkele punt in Canberra laat wen.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Johannesburg - Engeland se rugbyunie (RFU) het Maandag bevestig dat die Super Rugby-wedstryd tussen die Sharks en Crusaders wel op Twickenham in Engeland, op Saterdag, 27 Maart sal plaasvind.
Die wedstryd sal 18:00 afskop en £5 (sowat R55) van elke rugbykaartjie wat verkoop word, sal aan die Rooi Kruis se geldinsamelingsveldtog vir die rampslagoffers in Nieu-Seeland geskenk word.
'n Woordvoerder vir die RFU het gesê: "Dit is baie goeie nuus dat daar op 'n datum ooreengestem kon word vir die wedstryd."
Die kragmeting is aanvanklik vir Vrydag, 26 Maart geskeduleer, maar dit sou gebots het met die Engelse ligawedstryd tussen Harlequins en Gloucester.
"Om van die beste spelers in die Suidelike Halfrond op Twickenham te sien speel is 'n ongelooflike geleentheid vir al die Super Rugby-ondersteuners wat in Engeland woon," het die RFU-woordvoerder bygevoeg.
Die Sharks speel die daaropvolgende week teen die Stormers in Durban.
Bly op hoogte van al die jongste sportnuus deur Nuus24Sport op Twitter te volg.
- Sport24