Deysel terug vir Sharks
2011-04-28 13:02
In-diepte Verslae
Die Brumbies-losskakel, Zack Holmes, se onsuksesvolle strafdoel in die laaste minuut het die Reds met 'n enkele punt in Canberra laat wen.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Kaapstad - Die Sharks se afrigter, John Plumtree, het drie veranderinge aan sy beginspan gemaak vir die Super Rugby-stryd Saterdag teen die Stormers op Nuweland.
Keegan Daniel vervang Jacques Botes, wat sy enkel beseer het, in die nr. 6-trui.
Die flank Jean Deysel is na 'n lang afwesigheid weens besering weer fiks en is op die reserwebank gekies.
Jannie du Plessis vervang Eugene van Staden op vaskopstut in die beginspan terwyl sy broer Bismarck van 'n skouerbesering herstel het en op die plaasvervangersbank is.
In die agterlyn maak die vleuel Lwazi Mvovo plek vir Odwa Ndungane in die nr. 14-trui.
Afskoptyd Saterdag is 19:10.
Sharks: 15 Louis Ludik, 14 Odwa Ndungane, 13 Stefan Terblanche, 12 Meyer Bosman, 11 JP Pietersen, 10 Patrick Lambie, 9 Charl McLeod, 8 Ryan Kankowski, 7 Willem Alberts, 6 Keegan Daniel, 5 Ross Skeate, 4 Steven Sykes, 3 Jannie du Plessis, 2 John Smit (kaptein), 1 Tendai Mtawarira.
Plaasvervangers: 16 Bismarck du Plessis, 17 Eugene van Staden, 18 Alistair Hargreaves, 19 Jean Deysel, 20 Conrad Hoffmann, 21 Adrian Jacobs, 22 Lwazi Mvovo.
Vir die jongste sportnuus volg Nuus24Sport op Twitter.
- Sport24