Crusaders terug op wenpad
2010-03-12 10:42
In-diepte Verslae
Die afrigter van die Sharks, John Plumtree, het sy span aangekondig vir die vriendskaplike wedstryd teen Boland op Kingspark in Durban.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Hamilton, Nieu-Seeland - Die Crusaders is terug op die Super14-wenpad nadat hulle 'n oorwinning van 26-19 in Hamilton oor die Chiefs behaal het.
Die tuisspan het eerste punte op die telbord gesit met twee strafskoppe binne die eerste vier minute deur die losskakel Stephen Donald.
Kort daarna het die Crusaders begin met hul teenaanvalle en die skrumskakel van die Crusaders, Kahn Fotuali`i, het uitstekend gespeel om twee drieë vir die Crusaders te druk.
Toe die Chiefs die bal uiteindelik bietjie lug kon gee, het die buitesenter Richard Kahui die Chiefs se enigste drie gaan druk.
Die Chiefs het hopeloos te veel balle in die lynstane verloor waar hulle erg deur die Crusaders gepla is, maar in die skrums het albei spanne gesukkel.
Richie McCaw en sy manne het duidelik gewys hoekom hulle die suksesvolste span in Super14-geskiedenis is.
Die Crusaders speel volgende Saterdag teen die Lions in Wellington en die Chiefs het 'n loslooitjie.
Puntemakers:
Chiefs: Drieë: Richard Kahui Doelskoppe: Stephen Donald Strafskoppe: Stephen Donald (4)
Crusaders: Drieë: Kahn Fotuali`i (2) Doelskoppe: Daniel Carter (2) Strafskoppe: Daniel Carter (4)
- Nuus24