Crusaders pak tasse vir Kaapstad
2011-06-25 11:25
In-diepte Verslae
Die Brumbies-losskakel, Zack Holmes, se onsuksesvolle strafdoel in die laaste minuut het die Reds met 'n enkele punt in Canberra laat wen.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Nelson – Die Crusaders het hul plek in die halfeindstryd van die Super Rugby-reeks bespreek nadat hulle die Sharks 36-8 op Trafalgar Park in Nelson geklop het.
Dan Carter het die telbord vroeg in die wedstryd met 'n strafskop geopen, maar die eerste drie was dié van die Sharks se Willem Alberts.
Drieë van Kieran Read, Ben Franks en Sonny Bill Williams het die Crusaders die voortou besorg en Carter se skopskoen het die spyker dieper in die Sharks se kis gekap.
Die Crusaders het rustyd 13-5 voorgeloop.
Die Crusaders het nog nooit 'n uitspeelwedstryd tuis verloor nie, terwyl die Sharks nog nooit die sewemalige kampioene in Nieu-Seeland geklop nie, berig TVNZ.
Die Crusaders kom volgende week te staan teen die Stormers op Nuweland, terwyl die Reds en die Blues mekaar die stryd in Brisbane aansê.
Puntemakers:
Crusaders:
Drieë: Sonny Bill-Williams, Kieran Read, Ben Franks
Doelskoppe: Dan Carter(2), Mathew Berquist.
Strafskoppe: Carter(5)
Sharks:
Drie: Willem Alberts
Strafskop: Pat Lambie
– Bly op hoogte van al die jongste sportnuus deur Nuus24Sport op Twitter te volg