Chiefs mik na nr. 1
2010-03-12 09:56
In-diepte Verslae
Die afrigter van die Sharks, John Plumtree, het sy span aangekondig vir die vriendskaplike wedstryd teen Boland op Kingspark in Durban.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Sportredaksie
Hamilton, Nieu-Seeland – As die geluksgodin vir hulle glimlag en as hulle vandag in Hamilton ’n bonuspunt-sege oor die Crusaders kan behaal, sal die Chiefs die vyfde ronde van die Super14-rugbyreeks as die voorlopers afsluit.
Die Chiefs (15 punte) is op punteverskil tweede op die reeks se puntelys naas die Bulls (15 punte) wat môre op Loftus Versfeld teen die Highlanders te staan kom.
Klop die Chiefs die Crusaders oortuigend, en die Highlanders verras in Pretoria, sal die span van Waikato die sesde ronde as voorloper binnegaan.
Die Crusaders, wat op punteverskil met 14 punte vyfde is, sal alles in die stryd moet werp om die Chiefs te klop.
Die besoekers is sonder hul gereelde skrumskakel, Andy Ellis, wat verlede week teen die Blues ’n stamp teen die kop gekry het.
Hy word deur Kahn Fotuali’i vervang, met die slot Isaac Ross wat ten koste van Sam Whitelock ingesluit is.
Die Chiefs het Craig Clarke bo Culum Retallick as slot gekies, met die haker Aled de Malmanche wat in die beseerde Hika Elliot (dyspier) se plek opdraf.
Afskop: 08:30
- Sport24