Cheetahs skop Hurricanes uitmekaar
2010-03-06 21:16
In-diepte Verslae
Die beseerde losvoorspelers CJ Stander en Dewald Potgieter kan straks gekies word vir die Bulls se Super-stryd teen die Chiefs in Hamilton.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Anja Carstens
Bloemfontein - Briljante skopwerk en ’n wil van staal, het gemaak dat die Cheetahs met 28-12 oor die Hurricanes in Bloemfontein geseëvier het.
Die Hurricanes was die span met meer balbesit maar hulle kon dit nie in punte omskep nie met die Cheetahs wat verwoed in hul verdediging was.
Die staatmaker-senters, Meyer Bosman en Naas Olivier, het briljant gedoen om met al hul skoppe na die pale te slaag.
Daarenteen het die skrumskakel Piri Weepu in die eerste helfte reeds met drie strafskoppe én 'n doelskop misluk. Swak dissipline het ook 'n groot rol in die Hurricanes se nederlaag gespeel. Hulle het twee geelkaarte in dié wedstryd ontvang.
Die plaasvervanger Kabamba Floors was het die Cheetahs drie gedruk en die vleuel David Smith en heelagter Cory Jane het die Hurricanes se drieë aangeteken.
Die Cheetahs het volgende naweek 'n loslooitjie terwyl die Hurricanes teen die Stormers op Nuweland kragte meet.
Puntemakers:
Cheetahs: Drieë: Kabamba Floors Strafskoppe: Meyer Bosman (4) Naas Olivier (3) Doelskoppe: Naas Olivier
Hurricanes: Drieë: David Smith, Cory Jane Doelskop: Will Ripia
- Nuus24