Carter op binnesenter teen Stormers
2012-04-12 11:05
In-diepte Verslae
Die Sharks sowel as die Springbokke het 'n terugslag beleef met die nuus dat die vleuel JP Pietersen lank op die krukkelys gaan wees.
Die Cheetahs se afrigter, Naka Drotské, het die versoeking weerstaan om Heinrich Brüssow in die 15-tal te kies vir die stryd teen die Higlanders.
Christchurch – Die All Black-losskakel Dan Carter sal op binnesenter vir die Crusaders uitdraf in Saterdag se Super-rugbykragmeting met die Stormers in Christchurch.
Die Kiwi's se afrigter, Todd Blackadder, het vier veranderinge gemaak aan die Crusaders-span wat verlede Saterdag teen die Bulls in Pretoria verloor het.
Tom Taylor vervang Carter in die nr. 10-trui met Ryan Crotty wat na die plaasvervangerbank skuif.
Ben Franks sal in die vaskopstut-posisie uitdraf terwyl sy broer, Owen, op die bank gekies is.
Die slot Tom Donnelly vervang Luke Romano in die beginspan.
Afskoptyd Saterdag is 09:35.
So lyk die span:
15 Israel Dagg, 14 Sean Maitland, 13 Robbie Fruean, 12 Dan Carter, 11 Zac Guildford, 10 Tom Taylor, 9 Andy Ellis, 8 Kieran Read (kaptein), 7 Matt Todd, 6 George Whitelock, 5 Samuel Whitelock, 4 Tom Donnelly, 3 Ben Franks, 2 Corey Flynn, 1 Wyatt Crockett.
Plaasvervangers: 16 Quentin MacDonald, 17 Owen Franks, 18 Luke Romano, 19 Luke Whitelock, 20 Willi Heinz, 21 Ryan Crotty, 22 Tom Marshall.
Vir die jongste sportnuus volg Nuus24Sport op Twitter.
– Sport24
