Carter lei Crusaders na oorwinning
2010-04-10 12:37
In-diepte Verslae
Die Brumbies-losskakel, Zack Holmes, se onsuksesvolle strafdoel in die laaste minuut het die Reds met 'n enkele punt in Canberra laat wen.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Auckland – Daniel Carter het die speler geword wat die meeste punte in Super rugby aangeteken het nadat 15 punte in die Crusaders se 20-13 oorwinning Saterdag oor die Waratahs in Christchurch te danke aan hom was.
Carter het die wedstryd begin met 1007 punte en dit na 1022 geneem nadat hy vyf strafskoppe oorgesit het en Stirling Mortlock van die Brumbies se telling van 1019 verbygesteek het.
Nie een van die spanne was daartoe in staat om die wedstryd te domineer nie en dit was eers toe die Crusaders se skrumskakel Kahn Fotuali in die 76ste minuut ‘n drie gedruk het wat die wedstryd beslis is.
“Dit sou altyd ‘n moeilike wedstryd gewees het,” het die Crusaders se kaptein, Richie McCaw, in ‘n onderhoud gesê.
“Ek is trots op die manier waarop die ouens dit uitgehou het, die punte gekry het en aan hulle kant van die veld gespeel het.”
“Jy kan nie sonder die bal wen nie en ons dissipline was vanaand ‘n bietjie af,” het die Waratahs se kaptein Phil Waugh gesê.
“Ons was nie klinies in daardie area nie en kon nie die bal in die laaste 20 minute kry toe ons dit nodig gehad het nie.”
Punte
Crusaders
Drie: Kahn Fotuali'i.
Strafskoppe: Dan Carter (5)
Waratahs
Drie: Rob Horne
Verdoel deur: Daniel Halangahu
Strafskop: Halangahu, Berrick Barnes.
- Reuters
Lees meer by Sport24