Bulls twee Springbokke kwyt
2013-02-19 11:56
In-diepte Verslae
Die Springbok-losskakel Morné Steyn het al die Bulls se punte aangeteken om sy span teen die Sharks op Kingspark te laat seëvier.
Die Cheetahs se afrigter, Naka Drotské, het die versoeking weerstaan om Heinrich Brüssow in die 15-tal te kies vir die stryd teen die Higlanders.
Johannesburg – Die Bulls sal die Stormers Vrydag sonder hul Springbokke Akona Ndungane en Jacques Potgieter in die openingswedstryd van die Super-reeks op Loftus Versfeld moet aandurf.
Frans Ludeke, die Bulls se breier, het gesê met Wilhelm Steenkamp, Dean Greyling en Marcel van der Merwe wat reeds op die krukkelys is, is daar besluit om nie met Ndungane en Potgieter so vroeg in die seisoen te waag nie.
Ndungane se enkel, wat hy twee weke gelede in die opwarmwedstryd teen die Cheetahs seergemaak het, pla steeds en daar is besluit om hom langer herstelkans te gee.
Dieselfde geld ook die losvoorspeler Potgieter wat las van 'n liesbesering het.
Lionel Mapoe sal Ndungane in die nr.14-trui vervang terwyl die baljagter Deon Stegmann in Potgieter se plek uitdraf.
Afskoptyd Vrydagaand is om 19:10.
So lyk die span:
15. Zane Kirchner, 14. Lionel Mapoe, 13. JJ Engelbrecht, 12. Wynand Olivier, 11. Bjorn Basson, 10. Morné Steyn, 9/ Francois Hougaard, 8. Pierre Spies (kaptein), 7. Dewald Potgieter, 6. Deon Stegmann, 5. Juandre Kruger, 4. Flip vd Merwe, 3. Werner Kruger, 2. Chiliboy Ralepelle, 1. Morné Mellett.
Plaasvervangers: Willie Wepener, Frik Kirsten, Grant Hattingh, Arno Botha, Jano Vermaak, Louis Fouche, Francois Venter.
Vir die jongste sportnuus volg Nuus24Sport op Twitter.
– Sport24
