Bulls kan geskiedenis maak in Soweto
2010-03-20 23:45
In-diepte Verslae
Die Highlanders moes 'n laat terugvegpoging deur die Blues afweer om die Super-rugbykragmeting op Eden Park in Auckland te wen.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Pretoria - Die Bulls kan geskiedenis maak as hulle vanjaar vir die Super14-halfeindstryd en -eindstryd kwalifiseer en by die Orlando-stadion in Soweto speel.
Die huidige Super14-voorlopers het bevestig dat hulle 'n ooreenkoms met Stadium Management South Africa (Pty) Ltd en die Johannesburgse stadsraad onderteken het.
Dit sal die eerste keer wees wat 'n reuse-rugywedstryd by 'n sokkerstadion gespeel word.
Loftus Versfeld, die Bulls se tuisveld, is 'n een van die gasheerstadions vir die Wêreldbeker-sokkertoernooi en kan dus nie gebruik word vir dié rugbywedstryde nie.
Daar is ook nie 'n ander stadion in Pretoria wat groot genoeg is vir die toeskouers van dié wedstryde nie en die naaste rugbyveld, Ellis Park, is ook 'n gasheerstadion vir die Wêreldbeker-sokkertoernooi.
'n Voorstel is gemaak dat die wedstryd op Supersport Park in Centurion gespeel word, maar die krieketveld is ook te klein.
Die Bulls was die gasheer vir die halfeindstryd in 2007 en 2009 en die eindstryd in 2009.
Dié moontlikheid bestaan omdat die Bulls bo-aan die Super14-ranglys en die enigste onoorwonne span is.
Hulle vertrek Dinsdag op 'n vier week lange oorsese toer waar hulle teen die Force, Chiefs en Reds te staan kom voor hulle terugkeer vir hul laaste vier wedstryde in Suid-Afrika.
Orlando-stadion is onlangs oorgebou vir die Wêreldbeker-sokkertoernooi en dít het R300 miljoen gekos. Die 41 500-sitplek-stadion word nou as modern beskryf. Dié stadion gaan ook die gasheer wees vir die amptelike Fifa-konsert om die afskop van die Wêreldbeker-sokkertoernooi te vier.
Jacques Grobbelaar, uitvoerende hoof van Stadium Management South Africa (Pty) Ltd, het gesê: "Saam gaan ons geskiedenis maak".
– Supersport