Bulls Super14-konings
2010-05-29 19:09
In-diepte Verslae
Die Highlanders moes 'n laat terugvegpoging deur die Blues afweer om die Super-rugbykragmeting op Eden Park in Auckland te wen.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Kaapstad - Die Bulls het vir die derde keer in vier jaar uitgehaal en wys om Saterdag as kampioene in die Super14-eindstryd teen die Stormers in Soweto gekroon te word.
Die manne van Pretoria het met 25-17 teen die Stormers in die Orlando-stadion gewen.
In plaas van skop het die Bulls in die eerste helfte die bal in die hand gehou en die Stormers se verdedigingslinies aangeval.
Dit het voorgekom asof senuwees die Kapenaars aan die begin van die stryd gepla het en die besoekers het gesukkel om momentum te kry.
Die rustydtelling was 16-3 in die guns van die Bulls nadat vleuel Francois Hougaard, wat ook die speler van die wedstryd was, 'n drie in die eerste helfte gedruk het.
Uit
die staanspoor moes die Stormers hul titel as beste verdedigende span in
vanjaar se Super14-reeks verdedig, toe die Bulls 'n paar keer goed
deurgebreek het.
Die Stormers se
binnesenter Juan de Jongh en Bulls-vleuel Gerhard van den Heever moes
albei die veld vroeg in die eerste helfte weens beserings verlaat.
In die tweede helfte het die Stormers eerste punte aangeteken met 'n strafskop en nadat vleuel Bryan Habana in die 54ste minuut pragtig 'n bal onderskep het om onder die pale te druk, het dit gelyk asof momentum aan die kant van die besoekers was.
Tog was dit die Bulls wat meer dringendheid in hul spel getoon het en met Morné Steyn se skopvoet kon die tuisspan gemaklik hul neuse voorhou.
Plaasvervanger Ricky Januarie het 'n drie vir die Stormers in die 77ste minuut gedruk, maar met die blaas van die eindfluitjie was dit die Pretorianers wat hul arms omhoog gegooi het as Super14-kampioene.
Puntemakers:
Bulls: Drieë: Francois Hougaard, Doelskoppe: Morné Steyn Strafskoppe: Morné Steyn (6)
Stormers: Drieë: Bryan Habana, Ricky Januarie Doelskoppe: Peter Grant (2) Strafskoppe: Peter Grant
Bly op hoogte van al die
jongste sportnuus deur Nuus24Sport
op Twitter
te volg.
- Nuus24