Bulls stuit Lions in Jukskei-derby
2011-03-26 19:13
In-diepte Verslae
Die Highlanders moes 'n laat terugvegpoging deur die Blues afweer om die Super-rugbykragmeting op Eden Park in Auckland te wen.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Kaapstad - Die Bulls moes Saterdag harde bene kou om eindelik hul Super Rugby-kragmeting op Loftus Versfeld in Pretoria met 30-23 teen die Lions te wen.
Met hantweerwerk weer nie op peil nie, was dit steeds nie oortuigende spel deur die Super Rugby-kampioene nie.
Die rustydtelling was 10-6 in die guns van die Bulls.
Die tweede helfte het vir meer opwinding gesorg toe die Lions se vleuel, Deon van Rensburg, en sy kaptein Franco van der Merwe vir die besoekers in die laaste ses minute van die wedstryd gedruk het.
Maar Morné Steyn se skopskoen het 'n oorwinning buite bereik van die Lions gehou.
Die Bulls se volgende kragmeting is teen die Hurricanes in Wellington terwyl die Lions die Reds in Johannesburg pak.
Puntemakers:
Bulls:
Drieë: Dewald Potgieter, Gary Botha, Bjorn Basson Doelskoppe: Morné Steyn (3) Strafskoppe: Morné Steyn (3)
Lions:
Drieë: Deon van Rensburg, Franco van der Merwe Doelskop: André Pretorius (2) Strafskoppe: Elton Jantjies (3)
Vir die jongste sportnuus volg Nuus24Sport op Twitter.
- Nuus24