Brits sluit by Stormers aan
2011-06-27 21:04
In-diepte Verslae
Die Highlanders moes 'n laat terugvegpoging deur die Blues afweer om die Super-rugbykragmeting op Eden Park in Auckland te wen.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Kaapstad – Die Saracens-haker Schalk Brits het ‘n noodoproep van die beleërde Stormers-span beantwoord en sal hom by die span aansluit voor Saterdag se Super Rugby-halfeindstryd teen die Crusaders op Nuweland.
Die Stormers-afrigter, Allister Coetzee, het gesê Saracens het ingestem om Brits vry te stel en die Super Rugby-base by Sanzar het hom die groen lig gegee om as ‘n losvoorspeler ingespan te word vir die res van die Super Rugby-seisoen.
Brits het Sondagnag in Kaapstad aangekom en was Maandagoggend by die span se basis in Bellville.
Die Stormers-agtsteman Duane Vermeulen is twee weke gelede in die wedstryd teen die Cheetahs beseer en die spanbestuur het besluit om die SA onder-20-flank Siya Kolisi as ‘n plaasvervanger in te roep.
Kolisi was nog verlede week in Italië saam met die Bokkies.
Hyi het egter oor die naweek in ‘n rooftog ‘n besering opgedoen en is onfiks verklaar. Hy het harsingskudding opgedoen, asook gewrig- en skouerbeserings.
“Ons wou ‘n speler met die X-faktor hê en Brits bring dit na die span,” het Coetzee gesê. “Sanzar het hom toestemming gegee om as losvoorspeler te speel en nie as haker nie.”
“Ons probleem was op losvoorspeler en Brits het al vantevore daar vir die Stormers gespeel. Hy sal nie ‘n probleem hê om daar te speel nie, aangesien hy reeds soos ‘n losvoorspeler speel, al het hy die bal by die lynstane ingegooi en in die skrum gedruk vir Saracens.
“Ons was op soek na ‘n speler soos Nick Koster wat ‘n impak kan maak wanneer hy van die plaasvervangerbank af ingespan word en Brits het daardie vermoë.”
- Vir die jongste sportnuus, volg Nuus24Sport op Twitter
- SAPA