'Beker kan nou Kaapse baas kry’
2011-06-20 10:00
In-diepte Verslae
Die Highlanders moes 'n laat terugvegpoging deur die Blues afweer om die Super-rugbykragmeting op Eden Park in Auckland te wen.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Pretoria- Suid-Afrika se suksesvolste Super Rugby-kaptein nog, Victor Matfield, meen die Stormers kan vanjaar se Super Rugby-reeks wen.
Matfield, wat die Bulls tot drie reeksseges in Super Rugby gelei het, sê die feit dat die Kaapse span ’n halfeindstryd op sy tuisveld kon losspeel, gaan baie vir sy kanse beteken.
Die span rus ook dié naweek terwyl die kwarteindstryde aan die gang is.
Die Sharks reis Nieu-Seeland toe vir ’n wedstryd teen die Crusaders, terwyl die Waratahs sake in Auckland teen die Blues moet uitspook.
“Dit is frustrerend om ander spanne in die uitspeelfase te sien terwyl jy weet jy kon net sowel daar gewees het, maar die lewe moet aangaan.
“Ek dink die Stormers is in ’n goeie plek om baie goed te vaar.
“Maar ek sal die Crusaders nooit afskryf nie,” het Matfield gesê.
Matfield meen tuisveldvoordeel gaan deurslaggewend wees.
“Ek kan dalk my vingers verbrand hier, maar dit gaan baie moeilik wees vir ’n span buite die top-twee of -drie om die titel te wen.
“Ons het besef ons sou ’n baie moeilike taak hê as ons deurgedring het.”
Matfield (uittrede), Danie Rossouw (Japan), Fourie du Preez (Japan), Gary Botha (Frankryk), Bakkies Botha (Frankryk) en Gurthrö Steenkamp (Frankryk) se Super-loopbane by die Bulls is nou amptelik verby.
“Die feit dat ons weggaan, beteken egter nie die einde van die Bulls nie.
“Ek dink hier is genoeg spelers om nie net ons plekke oor te neem nie, maar die span ook na nuwe hoogtes te voer,” het Matfield gesê.
“Ons wat weggaan en ophou, sal ons tye hier nooit vergeet nie.”
Vir die jongste sportnuus volg Nuus24Sport op Twitter.
- Sport24