Alle oë op Mitchell se Lions
2011-01-28 10:00
In-diepte Verslae
Allister Coetzee, wat uit verskeie oorde gekritiseer is oor Jebb Sinclair se insluiting, het sy soektog na 'n oorsese losvoorspeler laat vaar.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
ohn Mitchell het as afrigter van die Leeus in die Curriebeker-reeks min tyd nodig gehad om van dié rugbyspan ’n veel sterker eenheid te maak.
Nou, ná drie maande se kragwerk, fiksheidsoefeninge en algemene kondisionering sedert die Curriebeker-reeks, tree Mitchell se Lions-streekspan van 2011 die eerste keer vanjaar op die speelveld aan.
Daar heers groot opgewondenheid onder die span se ondersteuners wat wil sien wat die breier in dié drie maande met die spelers kon uitrig.
Die Lions en die Stormers meet vanaand om 19:00 hier op Nuweland in die Neo Africa-reeks kragte.
Mitchell sê wel dat dié wedstryd slegs daaroor gaan om die spelers se wedstryd-gereedheid en fiksheid te toets en dat die uitslag onbelangrik is.
Verskeie kombinasies gaan onder die loep kom, aangesien daar verskeie nuwe gesigte in die Lions-groep is.
So sal daar byvoorbeeld met belangstelling na die Lions se voorry gekyk word.
Die vertrek van Heinke van der Merwe na Ierland en die onsuksesvolle poging om Beast Mtawarira na die Goudstad te lok, beteken dat die Lions deeglik moet besin oor wie hul voorste stutte vir die Super Rugby-reeks gaan wees.
“Ons het wel vir Pat Cilliers van die Sharks gekry en Kevin Buys is weer gereed om te speel nadat hy in die Curriebeker-reeks beseer is,” het Mitchell gesê. “En dan is daar JC Janse van Rensburg.”
Janse van Rensburg (25) speel al van 2006 af vir die Leeus en het baie ervaring vir sy ouderdom. Hy het verlede jaar baie verbeter en Mitchell verwag ’n groot seisoen van dié loskopstut. “JC is nog jonk. Maar ek dink hy het die potensiaal om eindelik toetsrugby te speel. Die verandering in sy fisieke toestand oor die afgelope 12 maande was ongelooflik,” sê sy afrigter.
Die Lions het ook nog Ross Geldenhuys, Jacobie Adriaanse en Wayne Swart wat stut kan speel. Janse van Rensburg en Buys is in die beginspan teen die Stormers. Die Kapenaars het verras deur die 18-jarige stut, Steven Kitshoff, in hul groep te kies.
Die Stormers se spankeuse skeel Mitchell egter min, aangesien dié Nieu-Seelander net in sy span se vertoning belangstel.
“Hoe oud is hy? Losskakel? O, stut,” was Mitchell se reaksie toe hy gevra is wat hy van die Stormers se insluiting van so ’n jong voorryman dink.
“Wel, hy moet baie goed wees as hulle hom kies,” het hy bygevoeg.
Wat Mitchell se beginspan betref, het hy, soos verwag, besluit om met Rory Kockott en die veteraan André Pretorius as skakelpaar te begin.
Die Springbok-losskakel Elton Jantjies gaan eers in watte toegedraai word.
Vir die jongste sportnuus volg Nuus24Sport op Twitter.
- Sport24