Zuma en Blatter se vergadering gekanselleer
2010-12-12 14:23
Johannesburg - President Jacob Zuma se vergadering met Fifa-president Sepp
Blatter, wat vir Maandag geskeduleer was, is gekanseleer, het die presidensie
gesê.
Kirsten Nematandani, Safa se president, het Sondag bevestig
dat 'n perskonferensie steeds Maandagmiddag gehou sal word na afloop van die
bestuursvergadering van die Fifa Wêreldbeker se plaaslike relingskomitee.
Nematandani het gesê hy sal Blatter Sondag by die
Lanseria-lughawe ontmoet wanneer hy saam met Fifa se sekretaris-generaal,
Jerome Valcke, en die president van die Konfederasie van Afrika-sokker, Issa
Hayatou, in die land aankom.
Blatter kom na Suid-Afrika om aan te kondig hoeveel wins
Safa gemaak het as vanjaar se gasheer van die Fifa Wêreldbeker.
- SAPA