Zidane-kopstamp in bronsbeeld verewig

2012-09-27 11:30

Die oomlik to Zinedane Zidane kop verloor het, in 'n standbeeld verewig. (AP)

Parys – Zinedine Zidane se berugte kopstamp op Marco Materazzi in die 2006 Wêreldbeker-sokkereindstryd tussen Frankryk en Italië is in 'n standbeeld in Parys verewig.

Dié bronsbeeld, wat deur die kunstenaar Adel Abdessemed geskep is, vang die oomblik vas waar die Franse kaptein tydens ekstra tyd met sy kop na Materazzi se bors gemik het.

Zidane is gevolglik van die veld gestuur en het nooit weer in 'n internasionale wedstryd gespeel nie.

Frankryk het daardie dag die eindstryd met strafdoele teen die Italianers verloor.

Zidane het later gesê hy het Materazzi met die kop gestamp omdat die Italianer hom beledig het.

Die beeld sal tot 7 Januarie aanstaande jaar voor die Pompidou-sentrum in Parys uitgestal word.

Volg Nuus24Sport op Twitter.