Zidane: Henry nie ’n verneuker
2009-11-22 04:15
Parys - Thierry Henry is nie 'n verneuker nie, het Zinedine Zidane, sy voormalige spanmaat en Wêreldbeker-speler, Saterdag gesê.
Zidane, wat saam met Henry in die Franse spanne gespeel het wat die 1998 Wêreldbeker en die Europese Kampioenskappe in 2000 gewen het, het aan 'n Franse radiostasie gesê die speler het "'n groot fout begaan, maar is nie 'n verneuker nie."
Zidane het ook gesê hy verstaan Ierland se woede, maar dat insidente soos dié wat tydens die span se Wêreldbeker-uitdunwedstryd teen Frankryk gebeur het, algemeen op die sokkerveld is.
Henry het die bal in 'n kritieke oomblik van die wedstryd onwettiglik met sy hand geklap en sodoende gesorg vir 'n doel deur William Gallas.
Frankryk het gevolglik 1-1 gelykop gespeel teen die Iere, en 'n plek vir hulself by volgende jaar se Wêreldbeker-sokkertoernooi in Suid-Afrika losgespeel. Die gelykoptelling beteken Ierland sal nie die toernooi kan bywoon nie.
Ierland se pogings om die wedstryd te oor te speel, was nie suksesvol nie.
- Sapa-AFP