Tshabalala tevrede met enige posisie
2010-08-10 14:16
Johannesburg – Siphiwe Tshabalala hou vol dat hy enige plek sal speel waar Kaizer Chiefs hom nodig het.
Die Bafana-speler het Saterdag in die middelveld gespeel tydens die Telkom Charity-beker.
Tshabalala speel gewoonlik in die area van links-verdediging, maar was ewe gemaklik rondom ‘n doelskieter-posisie in die finaal teen Orlando Pirates.
“Ek is bereid om enige plek te speel waar die afrigter voel dat ek kan bydra tot die sukses van die span,” het hy op Amakhosi se amptelike webwerf gesê.
“Ek het Saterdag in die middelveld gespeel en ek was tevrede met my bydrae, maar dit was nie net ek wat goed gespeel het nie, my spanmaats het in al die posisies sterk gelyk.
“Die tegniese span het ook ‘n paar nuwe, jong spelers in die span geplaas wat ook baie goed gespeel het.
“Persoonlik is ek baie bly dat ek voor al hierdie ondersteuners kon speel ná al die spekulasie oor my toekoms in die afgelope paar weke.
“Ek het nog altyd gesê ek is gelukkig hier.”
‘Shabba’ het bygevoeg dat hy uitsien na Suid-Afrika se wedstryd teen Ghana Woensdag by Soccer City.
- Football365.co.za
Bly op hoogte van al die jongste sportnuus deur Nuus24Sport op Twitter te volg.