Terry se kapteinsarmband afgevat
2012-02-03 14:10
Londen – Engeland se sokkerkaptein, John Terry, is vir die tweede keer sy kapteinsarmband kwyt te midde kommer oor die rassisme-saak wat oor sy kop hang.
Die Daily Mail het berig dat die voorsitter van Engeland se sokkervereniging (FA), David Bernstein, die Chelsea-verdediger Vrydagoggend telefonies meegedeel het van die sokkerliggaam se besluit.
Bernstein het die opinie van FA-raadslede, wat glo ten gunste was om Terry te vervang, gevra voor die besluit gemaak is.
Terry word beskuldig dat hy rassistiese aanmerkings teenoor die Queenspark Rangers-verdediger Anton Ferdinand gemaak het tydens 'n premierliga-wedstryd.
Vir die jongste sportnuus volg Nuus24Sport op Twitter.
- Sapa - AFP