Sukkelende Liverpool kry nuwe baas
2010-10-06 11:18
Manchester – Die Amerikaanse base van Liverpool het uiteindelik ingestem om dié sukkelende Engelse sokkerklub aan die eienaars van die Boston Red Sox-bofbalspan te verkoop.
"Die kooptransaksie is geldig op voorwaarde dat die Engelse Premierliga sy toestemming gee," het Liverpool Woensdag in 'n verklaring gesê.
"Ek is verheug dat die verkoop proses afgehandel is," het Martin Broughton, Liverpool se voorsitter, in 'n verklaring op die klub se webtuiste gesê.
Die twee Amerikaanse eienaars, George Gillett en Tom Hicks, het die klub in 2007 gekoop. Maar skuld van meer as £351 miljoen (bykans R4 miljard) het Liverpool-ondersteuners met 'n veldtog laat begin om die base uit te skop.
Bly op hoogte van al die jongste sportnuus deur Nuus24Sport op Twitter te volg.
- Sport24