Sokkerster pleeg selfmoord
2009-11-11 10:34
Hanover - Die Duitse sokkerspan se doelwagter, Robert Enke, het selfmoord voor 'n trein gepleeg.
“Hy het voor ‘n trein ingespring en is dood weens sy beserings,” het Martina Stern, ‘n polisiewoordvoerder, gesê.
“Dit was definitief selfmoord.”
Enke (32) was getroud en het ‘n baba van agt maande gehad wat hy en sy vrou aangeneem het, drie jaar na die dood van hul eie eenjarige dogtertjie.
Die dogtertjie is weens ‘n hartsiekte oorlede.
Enke self het gely aan ‘n ingewandesiekte.
Die Duitse doelwagter, wat al ses keer vir die nasionale span gekies is, het twee dae voor Duitsland se kwalifiserende wedstryd teen Azerbeidjan uit die span onttrek.
Duitsland het die wedstryd 4-0 gewen en so vir die 2010 Wêreldbeker gekwalifiseer.
Enke het onlangs weer begin oefen en was klaarblyklik opgewonde oor sy terugkeer.
“Dit was ‘n lang breuk, amper ‘n kwart-seisoen,” het hy gesê. “Maar toe ek weer begin oefen, het ek ek reg gevoel.”
Die sokkerster se dood het familie en vriende diep geskok.
- Sapa