Sokkerster in huis beroof
2009-09-25 01:17
Engeland - Die beseerde Everton-verdediger Phil Jagielka is in sy huis van juweliersware beroof terwyl hy sy span se wedstryd op TV gekyk het.
Die polisie het Donderdag gesê die 27-jarige, wat van 'n knie-operasie herstel, is deur drie mans met 'n mes gedreig en gedwing om juweliersware en die sleutels van sy Range Rover vir hulle te gee.
Niemand is beseer nie, en die motor is verlate op 'n oop stuk veld gevind.
Jagielka het die wedstryd gekyk waar Everton 4-0 in Hull, Engeland gewen het.
Hy is sedert April buite aksie.
– AP