Soccer City word weer FNB-stadion
2010-12-01 19:11
Johannesburg – Die stadion wat tydens die Wêreldbeker-sokkertoernooi as Soccer City bekendgestaan het, sal nou weer op sy oorspronklike naam genoem word, het ‘n hof Woensdag beslis.
Die appèlhof het beslis dat Eerste Nasionale Bank se ooreenkoms nog geldig is en dit sal dus voortaan as FNB-stadion bekendstaan.
‘n Privaatsmaatskappy wat die stadion vir die stad Johannesburg bestuur wou hê dat die naam Soccer City moet bly en hulle het aangevoer dat die internasionale reputasie wat tydens die toernooi rondom die naam opgebou is te waardevol was om te verloor.
As FNB-stadion is talle groot politieke- sowel as sportgeleenthede daar gehou. Nelson Mandela het sy eerste groot byeenkoms by die stadion gehou ná sy vrylating uit die tronk in 1990.
Die bank het Woensdag se beslissing verwelkom.
FNB was ‘n borg tydens die Wêreldbeker-toernooi, maar Fifa se reëls laat dit nie toe dat ‘n borg se naam met stadions geassosieer word tydens die toernooi nie.
Volg Nuus24 op Twitter
- Sapa - AP