Selfmoord-doelwagter was depressief
2009-11-11 16:24
Hannover - Robert Enke, die Duitse doelwagter wat vroeer die week selfmoord gepleeg het, het aan depressie gely, volgens sy weduwee.
Robert Enke het vroeer die week selfmoord gepleeg deur voor ‘n trein in te spring.
Teresa Enke het tydens ‘n nuuskonferensie by sy sokkerklub gesê dat haar man bang was hulle aangenome dogter word weggeneem as dit sou uitkom dat hy aan depressie ly.
Hulle biologiese dogter is twee jaar gelede op die ouderdom van twee, oorlede.
“Ek het my bes probeer om daar te wees vir hom,” het sy gesê.
Blykbaar het Robert Enke in vir die eerste keer in 2003 na hy sy plek verloor het in Barcelona se span, hulp gesoek vir sy toestand.
Volgens sy dokter het hy vir ‘n hele aantal maande aaneen elke dag behandeling ontvang.
Robert Enke het in ‘n selfmoord-nota aan sy vriende en familie om verskoning gevra dat hy hulle mislei het deur te maak asof hy beter is.
Hy het gesê dit was nodig gewees vir sy selfmoord-plan om te werk.
- Sapa