Safa-baas Sedibe op pad uit
2010-10-18 15:25
Johannesburg – Die uitvoerende hoof van die Suid-Afrikaanse sokkervereniging (Safa), Leslie Sedibe, is op die punt om te bedank.
Die voormalige lid van die SABC se tydelike raad se kontrak met die sokkerliggaam verstryk eers in Desember, maar volgens ‘n bron binne die beheerliggaam sal Sedibe nie langer daar aanbly nie.
Sedibe het die afgelope paar dae nie by die werk opgedaag nie na hy glo ‘n stresverwante siekte opgedoen het.
Safa gaan die afgelope ruk gebuk onder verdeeldheid onder sy lede, met Dennis Mumble, Safa-strategiese bestuurder, wat sy eie administratiewe liggaam parallel met dié van Sedibe bestuur het.
Bly op hoogte van die jongste sportnuus deur Nuus24Sport op Twitter te volg.