SAFA moet rekenskap gee oor R1 miljard
2010-07-19 12:38
Johannesburg – SAFA sal Dinsdag aan die parlement moet verduidelik hoe hulle beplan om die R1 miljard meevaller wat hulle van Fifa ontvang het om die Wêreldbeker-sokkertoernooi aan te bied, gaan spandeer.
Butana Komphela, voorsitter van die portefeuljekomitee vir sport en ontspanning, glo dat meeste van die geld na ontwikkeling moet gaan.
“Wat ons van SAFA wil hê is ontwikkeling. Daardie (junior) spanne is die voerspanne vir die nasionale span. SAFA moet duidelik wees wanneer hulle met ons oor daardie dinge praat,” het hy aan Pretoria News gesê.
“Hulle moet vir ons hul plan wys (in terme van) hoe die hele Suid-Afrika by hierdie meevaller sal baat.”
Komphela het bygevoeg dat die kwessie rondom bonusse ook bespreek sal word.
Football 365.co.za
Bly op hoogte van al die jongste sportnuus deur Nuus24Sport op Twitter te volg.