SA-sportster oorsee in hegtenis
2010-02-23 16:06
Liverpool – Steven Pienaar, wat vir Bafana Bafana én die Engelse klub Everton sokker speel, is in Liverpool van dronkbestuur aangekla.
Dié 27-jarige middelveldspeler was op pad huis toe na hy sy klub se oorwinning van 3-1 teen Manchester United gevier het, toe polisie hom Sondagoggend in hegtenis geneem het vir die verontagsaming van 'n verkeersteken.
Pienaar se hofverskyning is op 9 Maart.
Dié Suid-Afrikaner het in Oktober 2008 ook met die gereg gebots toe hy deur die polisie ondervra is oor ‘n beweerde aanranding in Sefton Park, maar geen klagtes was ooit teen hom gemaak nie.
- Sport24