Rooney skitter teen Milaan
2010-02-17 19:32
Milaan – Manchester United het hul eerste oorwinning ooit by die San Siro-stadion in Milaan aangeteken toe hulle met 3 - 2 teen AC Milaan tydens 'n eerste ronde Uefa-kragmeting geseëvier het.
Wayne Rooney het weereens gewys hoekom hy deur vriend én vyand as een van die beste sokkerspelers ter wêreld beskou word met 'n puik vertoning wat twee doele opgelewer het.
Die Italianers het vroeg toegeslaan toe Ronaldinho 'n doel, waarby David Beckham betrokke was, aangeteken het maar die moegheid was duidelik in Milaan se bene te sien.
Ten spyte van dié vroeë doel het Alex Ferguson se span stelselmatig beheer oor die wedstryd begin neem met die doel van Paul Scholes en Wayne Rooney wat twee balle verby die doelwagter gestuur het.
Puntemakers:
Manchester United: Doelskieters: Paul Scholes, Wayne Rooney (2)
AC Milaan: Doelskieters: Ronaldinho, Clarence Seedorf
- Sport24