Rooney langer uit
2010-10-30 07:35
Londen. – Wayne Rooney kan weens sy enkelbesering langer langs die kantlyn wees.
Die Manchester United-doelskieter het onlangs ’n nuwe kontrak van vyf jaar met die glanssokkerklub onderteken en is tans op vakansie terwyl hy van sy besering herstel.
Alex Ferguson, afrigter van die Red Devils, het Vrydag op sy weeklikse nuuskonferensie gesê Rooney sal waarskynlik langer as die verwagte drie weke uit wees.
Die Engelse Premierliga se program is:
Vandag: Arsenal t West Ham United, Blackburn Rovers t Chelsea, Everton t Stoke City, Fulham t Wigan Athletic, Wolverhampton Wanderers t Manchester City en Manchester United t Tottenham Hotspur.
- Sapa - AFP