Pienaar speler van die jaar
2009-11-20 11:48
Johannesburg - Bafana Bafana en Everton FC se middelskakel Steven Pienaar is aangewys as 2009 se Bafana Bafana Speler van die Jaar.
Dié aankondiging is Donderdagaand tydens ‘n seremonie by die Sandton Konferensie Sentrum gemaak.
Die wenner in dié kategorie was bepaal deur sokkeraanhangers wat vir hul gunsteling speler via 'n sms kon stem.
In die junior kategorie, is Thulani Serero, wat vir Ajax Cape Town en die o. 20 span van Amajita speel, aangewys as die o. 20 Speler van die Jaar.
Banyana Banyana se senior nasionale vrouespeler, Nompulelo Nyandeni het die toekenning vir die Speler van die Jaar ingepalm.
Afrigter van die Jaar gaan aan Gavin Hunt. Sy teenstanders in dié kategorie was Styles Phumo, Jomo Sono en Serame Letsoaka.
Kirsten Nematandani, die president van die Suid-Afrikaanse Sokkervereniging het gesê die Safa-toekenning het spelers en afrigters aangemoedig om hul beste te gee en die sport met trots en passie te speel.
- Sapa