'Parreira nie nodig'
2009-10-21 11:20
Johannesburg – Sokker-afrigter Gordon Igesund sê hy wil nie die Brasiliaan Carlos Alberto Parreira herroep as die nasionale afrigter van die 2010 Wêreldbeker-gasheerland nie.
Igesund, nou in beheer van Maritzburg United, het gesê daar is baie ander plaaslike afrigters wat die vermoë het om Bafana Bafana te lig na hul agt nederlae in nege wedstryde.
“Ek hoor gereeld dat Suid-Afrikaanse afrigters nie internasionale ervaring het nie, maar Franz Beckenbauer het nog nooit ‘n nasionale span afgerig voor hy beheer oor Duitsland geneem, en hulle na ‘n oorwinning in die 1990 Wêreldbeker gelei het nie.
“Jurgen Klinsmann het ook nie enige nasionale span afgerig voor die laaste Wêreldbeker nie, maar tog het hy ‘n Duitse span bymekaar gekry wat ongelooflike en fantastiese sokker gespeel het, en boonop derde geeïndig het,” het Igesund gesê.
Volgens hom ken Suid-Afrikaanse afrigters die spelers, hul omgewing en die kultuur waarin hulle beweeg.
Parreira het in April verlede jaar as die Suid-Afrikaanse afrigter bedank om met sy siek vrou in Brasil te wees, en Maandag is sy opvolger Joel Santana afgedank ná hulle 14 van die 27 internasionale wedstryde verloor.
‘n Anonieme beampte van die Suid-Afrikaanse Sokkervereniging het glo gesê Parreira is beskikbaar, nadat sy vrou herstel het. Daar is glo ‘n 90% kans dat dié Brasiliaan mag terugkom.
Alhoewel Parreira sy land na ‘n 1994 Wêreldbeker oorwinning gelei het, en hy meer gewild was as Santana, sal sy moontlike herroeping na ‘n vergadering Vrydag met die nasionale sokkervereniging, nie heeltemal goedgekeur word nie.
Hy het Santana aan die Suid-Afrikaanse Sokkervereninging aanbeveel, en sy eie rekord as afrigter was nie juis na wense nie, omdat hy slegs twee punte kon versamel na die 2008 Afrika-nasies-toernooi wedstryde teen Angola, Tunisië en Senegal.
Die Duitse veteraan afrigter, Leon Beenhakker is verbind met ‘n pos wat meer as $200 000 werd is, sowat R1,5 miljoen per maand teenoor Santana, maar ‘n Safa-beampte het dit as onwaar afgemaak omdat Beenhakker versuim het om Pole te help kwalifiseer vir die 2010 Wêreldbeker.
Plaaslike afrigters wat met Bafana Bafana verbind word sluit Pitso Mosimane, ‘n assistant vir Parreira en Santana, Igesund, Jomo Sono en Gavin Hunt in.
Hunt en die voormalige nasionale afrigters Sono en Clive Barker was gevra om ‘n verslag saam te stel oor die nederlae wat Suid-Afrika in Noorweë en Ysland verlede week gehad het, maar dit het geen rol in die afdanking van Santana gespeel nie.
“Ek is verbaas dat hulle hom afgedank het, sonder om na ons verslag te kyk. Ons kom Donderdag bymekaar om dit te finaliseer. Maar daar is geen twyfel dat Santana ‘n skande was nie,” het Hunt gesê.
Suid-Afrika, wat verlede week tot nommer 16 op die wêreldranglys van 85 gedaal het, het nog twee vriendskaplike wedstryde hierdie jaar, teen Japan in Johannesburg op 14 November en Jamaika in Bloemfontein drie dae later.
- Sport24