Oud-breier: SA wil hê Pitso moet misluk
2010-08-04 09:51
Johannesburg – Die voormalige Bafana Bafana breier Ted Dumitru meen Suid-Afrikaners is vinnig om die vinger te wys en kan nie wag dat Pitso Mosimane, Bafana se nuwe afrigter, misluk nie.
Volgende week se vrienskaplike wedstryd tussen Suid-Afrika en Ghana is Mosimane se eerste wedstryd as afrigter. Dumitru het ondersteuners gemaan om ‘n realistiese verwagting van die wedstryd se uitslag te verwag.
“Sommige mense is gereed om, sodra ons teen Ghana verloor, te sê dat Pitso niks werd is nie," het Dumitru aan News Time gesê.
“Dit is hoekom mense altyd sê dat Suid-Afrikaners ongelooflik onrealisties is. Daar is soveel negatiewe dinge, ons het selfs ondersteuners wat hulle eie beginspanne in stuur. Verbeel jou dit,” het Dumitru gesê.
Tog is Dumitru vol vertroue dat Mosimane die skoene van sy voorganger, Carlos Alberto Parreira, sal kan volstaan.
Hy het bygevoeg, “die aangee van die bal tussen spelers het stukke verbeter en ek bewonder die feit dat Pitso op dieselfde manier wil voortgaan".
Bly op hoogte van al die jongste sportnuus deur Nuus24Sport op Twitter te volg.
- Sport24