N-Korea se sokkerspan en afrigter verneder
2010-08-01 12:59
Kaapstad - Noord-Korea se sokkerspan en die afrigter is tydens 'n openbare ondersoek na hul vertoning tydens die 2010-wêreldbeker verneder, het RSG op hul webwerf berig.
Berigte uit die land lui dat hulle gedwing is om in die openbaar op 'n verhoog te luister na kritiek van die minister van sport, Pak Mjong-schol.
Die hele debakel is deur honderde regeringsamptenare, studente en joernaliste bygewoon.
Die afrigter is skynbaar uit Korea se werkersparty geskop en gedwing om 'n ander beroep - dié van bouer - te aanvaar.
Die sokkerspaan het in sy eerste wêreldbekertoernooi al drie wedstryde in sy groep verloor - onder andere 'n loesing van 7-0 teen Portugal.
- Vir die volledige storie besoek RSG.
- Volg Nuus24 op Twitter.