Minuut stilte vir sokkertragedie
2012-02-02 15:21
Video - VIDEO: Egipte: 74 dood in sokker-onluste
Minstens 74 mense is dood ná ondersteuners van twee sokkerspanne in Egipte op die veld gehardloop en mekaar met stokke en klippe bestook het.
KYK
Johannesburg – 'n Minuut se stilte gaan dié naweek by die Afrikabeker-toernooi gehou word vir die 74 mense wat dood is in 'n vertrapping van sokker-ondersteuners in die Egiptiese stad Port Said, het RSG Donderdag berig.
Die president van die Konfederasie van Afrika-sokker (CAF), Issa Hayatou, het gesê die CAF het 'n boodskap van meegevoel aan Egipte se sokkervereniging gestuur.
'n Minuut se stilte sal gehou word voor Saterdag se kwarteindwedstryd tussen Zambië en Soedan in die hoofstad van Ekwatoriaal-Guinee, Malabo.
Dit sal ook gedoen word by ander kwarteindwedstryde in Bata, Libreville en Franceville.
Geweld het Woensdagaand uitgebreek toe ondersteuners van die Al-Masri-span, wat Al-Ahly 3-0 geklop het, op die veld gehardloop en Al-Ahly-ondersteuners met klippe, bottels en vuurwerk bestook het.
Volg Nuus24Sport op Twitter.
– RSG