Messi met Golden Boot-toekenning vereer
2010-10-01 05:32
Barcelona - Die Barcelona-ster Lionel Messi is Donderdag as verlede seisoen se top-puntemaker in Europa se plaaslike ligas met die Golden Boot-toekenning vereer.
Die 23-jarige Argentynse doelskopper se 34 La Liga-doele het hom die prys voor die oë van Chelsea se Didier Drogba en Udinese se Antonio Di Natale, albei met 29 doele, laat wegraap.
Messi is die tweede speler wat die Golden Boot-toekenning wen terwyl hy vir Barcelona speel. Brasilië se Ronaldo het die toekenning in 1996-97 gewen.
Bly op hoogte van al die jongste sportnuus deur Nuus24Sport op Twitter te volg
- AFP