Messi kry raas oor boodskap aan ma

2011-01-26 12:21

Lionel Messi wens sy ma geluk met 'n spesiale boodskap onder sy hemp. (AFP)

Barcelona - Die Argentynse sokkerspeler Lionel Messi is beboet nadat hy sy ma met 'n boodskap onder sy hemp gelukgewens het met haar verjaarsdag nadat hy 'n strafdoel behaal het.

Die doelevraat het tydens Barcelona se oorwinning Saterdag teen Racing Santander, sy sokkerhemp opgelig om 'n boodskap te wys wat hy vir sy ma geskryf het. "Geluk met jou verjaarsdag mamma."

Hoewel Messi nie 'n geel kaart van die skeidsregter ontvang het nie, is is hy volgens die Spaanse sokkervereniging se artikel 91.1 (die viering van doele) skuldig bevind.

Die boete vir so 'n oortreding beloop gewoonlik tussen €2 000 (byna R200 000) en €3 000 (byna R300 000).

Vir die jongste sportnuus volg Nuus24Sport op Twitter.

- Sport24