Maradona deur hond gebyt

2010-03-30 17:43

Buenos Aires – Argentinië se sokker-afrigter Diego Maradona moes ‘n ligte operasie aan sy gesig ondergaan nadat hy deur ‘n hond gebyt is.

Die Argentynse televisiestasie TN het gesê dat die 49-jarige Maradona Dinsdag ‘n operasie aan sy bolip moes ondergaan nadat hy gebyt is.

Hy sou na verwagting later in die dag ontslaan word.

Volgens berigte was Maradona by sy huis in die buitewyke van Buenos Aires besig om met ‘n hond te speel toe die dier hom gebyt het.

- Sapa-AP