Man City kraai koning in Manchester-derby

2012-04-30 23:03

Manchester – Honderde miljoene mense oor die wêreld heen het Maandagaand ingeskakel om te kyk hoe Manchester City oor Manchester United seëvier in die sogenaamde Manchester-derby.

Die eindtelling was 1-0 in City se guns.

Vincent Kompany het in die eerste helfte die wenspan se enigste doel aangeteken.

Ongeveer 650 miljoen mense in 212 lande het die wedstryd gevolg, en bykans 48 000 ondersteuners het op die stadion self toegesak.

Kaartjies vir die wedstryd het volgens die The National tot £600 (sowat R7 500) op die strate van Manchester behaal.



Manchester United se Paul Scholes (regs) en Manchester City se Gareth Barry ding mee om die bal. (ANdrew Yates, AFP)

– Vir die jongste sportnuus volg Nuus24Sport op Twitter.

- Sapa - AFP