Kry spotgoedkoop WB-kaartjies híér
2009-11-25 16:38
Johannesburg - Sokkeraanhangers sal tussen 5 Desember en 22 Januarie kans kry om goedkoop kaartjies vir die 2010 Wêreldbeker-toernooi te koop.
Danny Jordaan, uitvoerende hoof van die plaaslike reëlingskomitee, het gesê kaartjies van R140 kan vir die Wêreldbeker gekoop word.
"Dit sal die goedkoopste Wêreldbeker-kaartjie nóg wees," het Jordaan gesê.
Die plaaslike reëlingskomitee wil verseker dat al die kaartjies vir Bafana Bafana se wedstryde uitverkoop is.
Sokkergeesdriftiges wat kaartjies wil koop, kan dit by enige FNB-tak kry of aansoekvorms by www.fifa.com aflaai.
– Sapa