'Korrupsie, omkopery algemeen in SA sokker'
2010-08-20 10:58
Johannesburg – 'n Berig op die Sowetan se webtuiste beweer dat korrupsie in SA sokker se Vodacom-derdeliga, algemeen voorkom en dat die omkopery van skeidsregters deur klub-amptenare aan die orde van die dag is.
Dié onthulling is Donderdag deur die PSL-skeidsregter Lwandile Mfika by die Semenya kommissie van ondersoek in Rosebank, Johannesburg gemaak.
Mfika het die omkopery van skeidsregters in al nege provinsies op die Suid-Afrikaanse sokkervereniging (Safa) se versuiming om skeidsregters te betaal, blameer.
Die skeidsregter beweer dat sommige wedstrydbeamptes in die Vodacom-liga tot vier jaar laas enige betaling vir hul dienste ontvang het.
“In die PSL (Premierliga) word ons gereeld en op tyd betaal. Die PSL kyk goed na hul skeidsregters, maar in die derdeliga is dit 'n ander storie," het Mfika gesê.
Bly op hoogte van al die jongste sportnuus deur Nuus24Sport op Twitter te volg.
- Sport24