'Knoeiery algemeen in SA' – sokkerbaas

2012-08-27 11:59

Johannesburg – Knoeiery onder spelers, beamptes en skeidsregters vier steeds hoogty in die land, het die president van die Suid-Afrikaanse sokkervereniging (Safa), Kirsten Nematandani, gesê.

Die Safa-baas het Saterdag 'n slypskool oor wedstrydknoeiery en sportweddery in Johannesburg saam met lede van Interpol, Fifa en Cosafa bygewoon.

Nematandani het 'n gebrek aan standaarde blameeer vir die voortdurende knoeiery in sport en gesê: "Skeidsregters word omgekoop en beamptes maak besluite waarby net hullle en hul vriende baat.

"En hoe baie hoor ons nog van ouderdom-knoeiery in junior kompetisies? Dit is reeds geruime tyd aan die gang."

"Die probleem is besig om al groter te word. Ons het nodig om effektiewe maatreëls in plek te sit om terug te veg."

Die naweek se slypskool volg ná skokkende onthullings verlede week dat die Kaizer Chiefs-baas, Bobby Motaung, in hegtenis geneem is op aanklagte van bedrog.

Volg Nuus24Sport op Twitter.

– Sport24