Handbal-blaser wou bedank

2009-11-24 16:34

Stockholm - Die Sweedse skeidsregter wat nie Thierry Henry se handbal in die wedstryd tussen Frankryk en Ierland gesien het nie, sê hy het ná die voorval oorweeg om te bedank.

Martin Hansson het aan die Sweedse koerant Sydostran gesê die kritiek ná die wedstryd het hom laat wonder of sy werk die moeite werd is en dat dit "dalk nie my ding is nie".

Die Iere se tradisionele geluk het hulle verlede week in die steek gelaat nadat Henry glo die bal in die doodsnikke van die wedstryd met sy hand hanteer het en die Franse 2-1 laat wen het.

Die nederlaag beteken dat Ierland nie kwalifiseer vir die 2010 Wêreldbeker-toernooi nie.

– Sapa-AP