Fifa in Rusland om stede te ondersoek
2010-08-17 03:27
St. Petersburg – Fifa ondersoek hierdie week vier potensiële stede in Rusland om die Wêreldbeker-sokkertoernooi in 2018 of 2022 aan te bied.
‘n Afgevaardigde van Fifa het Maandag in St. Petersburg geland. Hierdie is een van die vier stede wat besoek sal word.
Harold Mayne-Nicholls, hoof van dié groep afgevaardigdes, sal ‘n “objektiewe en realistiese” assessering van Rusland se potensiaal lewer.
Volgens Rusland is hulle bereid om al die fasiliteite te laat bou, behalwe die Luzhniki-stadion in Moskou, waar hulle beplan om die eindstryd te speel.
Nege kandidate, insluitende Engeland en die VSA, sal meeding om die Wêreldbeker-sokkertoernooi in 2018 of 2022 aan te bied.
Bly op hoogte van al die jongste sportnuus deur Nuus24Sport op Twitter te volg.
- Sapa - AP