Fifa bied amnestie vir knoeiery-inligting
2011-10-18 13:12
Londen – Die wêreldsokkerbeheerliggaam, Fifa, het gesê hy sal belonings en amnestie aanbied vir inligting oor wedstrydknoeiery en korrupsie in sokker, het RSG Dinsdag berig.
Fifa se veiligheidshoof, Chris Eaton, het gesê die organisasie vind al hoe meer bewyse dat bendes, wat spelers en skeidsregters omkoop, ook nou internasionale en klubwedstryde teiken.
Wedstrydknoeiery het reeds vanjaar ligas in Turkye, Italië, Israel, Finland en Griekeland ontsier.
Die president van Fifa, Sepp Blatter, het reeds optrede teen korrupsie 'n prioriteit gemaak.
Blatter sal later die week sy planne om korrupsie te bestry in Switserland onthul.
Vir die jongste sportnuus volg Nuus24Sport op Twitter.
– RSG