Engelse speler se WB-droom aan skerwe
2010-03-05 16:01
Londen - Die Manchester United doelskieter Michael Owen sal 'n operasie vir 'n dyspierbesering moet ondergaan en vir die res van die seisoen buite aksie wees.
Owen het sy dyspier verlede Sondag in 'n Engelse ligawedstryd teen Aston Villa op Wembley in die eerste helfte seergemaak en mank van die veld geloop.
Op 30-jarige ouderdom beteken dié terugslag, dat die deur wat op 'n skrefie oop was vir 'n kans om vanjaar in die Wêreldbeker vir Engeland te speel, nou finaal toegemaak is.
Manchester United se afrigter, Alex Ferguson, het erken dat Owen se besering ernstiger is as wat hulle aanvanklik gedink het en die Skot het gewaarsku oor die toestand van die gras op Wembley.
"Daar bestaan geen twyfel dat die swaar speelveld op Wembley iets met sy besering te doen het nie," het Ferguson gesê.
Ten spyte van ‘n rekord 40 doele in 89 wedstryde vir sy land, is Owen nog nie deur Engeland se afrigter Fabio Capello vir 'n wedstryd gekies nie.
- AFP