"Ek voel niks vir Santana"
2009-10-20 11:27
Kaapstad – Die voormalige Bafana Bafana-speler, Nasief Morris, sê niks het vir hom verander nou dat Joel Santana sy tasse gepak het nie.
Die Brasiliaanse afrigter het deurgeloop onder kritiek omdat hy vir Morris uit die Konfederasie-beker gelaat het, blykbaar as gevolg van "oortredings van die span se gedragskode".
“Vir my is niks anders nou dat die afrigter weg is nie. Ek wil steeds vir Bafana Bafana speel," het Morris aan KickOff.com gesê.
Morris het die eerste wedstryd vir sy nuwe klub, Racing Santander, weens ‘n skorsing misgeloop maar sedertien elke wedstryd gespeel.
Dié voormalige Santos-verdediger sê hy speel ‘n soortgelyke rol as wat hy by sy vorige klub, Recreativo Huelva gespeel het.
Morris het ook ‘n paar kilogram afgeskud en gesê dis omdat sy afrigter spelers “bietjie meer wil slyp”.
- KickOff.com