Blatter lag rassisme af, media soek bloed
2011-11-17 14:41
Londen – Die Britse media het ‘n beroep op FIFA se president, Sepp Blatter, gedoen om te bedank ná berigte oor rassisme in sokker afgelag het.
Die hoof van wêreldsokker se beheerliggaam is Woensdag wyd veroordeel toe hy gesê het spelers wat rassisties deur opponente behandel is moet hul verskille met ‘n handdruk uit die weg ruim.
Alhoewel die 75-jarige Fifa-hoof gesê het sy opmerkings is verkeerd aangehaal, het hy in die Britse media onder hewige skoot gekom.
“Enige politikus wat iet so ongevoelig sê sou onmiddelik afgedank gewees het of self bedank het,” het die bekende sokkerjoernalis Henry Winter van The Daily Telegraph in Brittanje gesê. “Hy bly egter aan – ‘n verleentheid vir ‘n wonderlike sport, ‘n belediging vir ordentlikheid.”
Blatter se uitlatings het gekom na die Britse sokkervereniging Liverpool se Uruguayaanse doelskieter Luis Suarez aangekla het omdat hy na bewering Manchester United se Patrice Evra rassisties behandel het in die spanne se Premierliga-kragmeting vroeër die seisoen.
Die kaptein van die Engelse nasionale span, John Terry, word ook deur ‘n dissiplinêre verhoor in die gesig gestaar na sy beweerde rassistiese opmerkings teenoor Queens Park Rangers se Anton Ferdinand.
– Vir die jongste sportnuus volg Nuus24Sport op Twitter.
- AFP